Ana é profesora titular do Departamento de Historia na área de Historia Contemporánea e membro do grupo de investigación HISTAGRA (Historia Agraria e Política do Mundo Rural, séculos XIX e XX) da Universidade de Santiago de Compostela. Tamén forma parte do CISPAC (Centro de Investigación Interuniversitario de los Paisajes Atlánticos Culturales) e colabora co CIFEX (Centro Interdisciplinar de Investigaciones Feministas y Estudios de Género de la USC). As súas liñas de investigación priritarias son o estudo da sociedade e as súas actitudes durante a ditadura franquista, a análise da conflictividade rural no século XX, e a historia das mulleres. 

Ten realizado estadías de investigación na Universidade Nova de Lisboa, a London School of Economics and Political Science (LSE),  a Universidad Autónoma de Madrid e a Universidad Pablo de Olavide de Sevilla. Tamén ten sido profesora convidada en Middlebury College (Vermont, USA), Hofstra University (NY), New York University e na Université de Toulouse Jean-Jaurès.

Na actualidade forma parte do Comité Científico do Comisionado “España en Liberdade – 50 anos” e ocupa unha das vocerías da Comisión Técnica sobre símbolos e elementos contrarios á memoria democrática da Secretaría de Estado de Memoria Democrática. Ademais, exerce como vogal da xunta directiva da Sociedade de Estudos de Historia Agraria (SEHA) dende 2020, é co-directora da Cátedra Institucional Juana de Vega dende 2020, e é a investigadora responsable do Grupo de Innovación Docente (GID) “Ruralia” (GIDRUR) e membro do GID “Xuveciencia”.